رسالة الموقع
تطبيق DetectNow لتمييز مريض الكورونا عن طريق صوت سعاله ( الكحة )

تطبيق DetectNow لتمييز مريض الكورونا عن طريق صوت سعاله ( الكحة )

في فريق من المبرمجين طوروا برنامج يقدر يميّز الشخص المصاب بالكورونا من صوت السعال ( الكحة ) بتاعته 😷. ا لفريق اعتمد على معلومة نشرها باحث من معهد MIT بتقول إنه يوجد فرق في طريقه السعال (الكحة) للمصابين بالكورونا عن الاشخاص العاديين !!

تطبيق DetectNow لتمييز مريض الكورونا عن طريق صوت سعاله ( الكحة )
الموضوع بدأ بهكاثون فى سويسرا لما ١٠ اشخاص من ٧ دول و 5 مجالات قرروا إنهم يلاقو حل لمشكلة تشخيص مرض #الكرونا و كان الهدف إيجاد حل أسرع و أرخص و أكثر أمانًا للطواقم الطبية , وبالتالي كانت المهمة الرئيسية للفريق إنهم يجمعوا أكبر كمية من البيانات و يقدموا نموذج أولي للـ model اللي هيحلل البيانات دي و يدرسها.

لاحظ إن الفرق في صوت السعال ( الكحة ) بين مصاب الكورونا و غير المصاب بالكورونا صعب جدا على اﻷذن البشرية تمييزه 😒لكن بالنسبة لبرامج الذكاء_الصناعي الموضوع مختلف , لو قدرت توفر للـ model كمية ضخمة من البيانات و تتابع النتائج اللي بيوصلّها الـ model و تعدّل اﻹنحرافات بتاعته بشكل سليم , تأكّد إنه هيوصل في النهاية لـ pattern قادر على تمييزه بسهولة , و ده اللي تم فعلا .. الباحثين جمعوا داتا اتكونت من أشخاص متطوعين قامو بتسجيل صوت سعالهم و بعض الكلمات و دي الداتا اللي الـ model اتعلم منها 😎.

من المشكلات ( غير التقنية ) اللي واجهت الفريق هي المشكلات المتعلقة بخصوصية المستخدمين و مخالفات لوائح الاتحاد الاوربي , فعلى سبيل المثال إذا قام المستخدم بتسجيل صوته بدل صوت السعال كان خرقًا لخصوصية المستخدم , بالإضافة إلى أن المنصة تعتبر أداة طبّية لأنها تقوم بالتشخيص و بالتالي لابد أن يتم جمع البيانات المستخدمة فى إنشاء نموذج الـ ML من تجارب سريرية رسمية عن طريق Control groups و ده شيء مكلف جدا 🏧🏧.


الفريق حاليا بيحاول إنه يجمع مزيد من البيانات بشكل يراعي احترام الخصوصية , و شغالين علي دمج النموذج في تطبيق ويب و موبايل سهل الاستخدام و اللي هيكون غير هادف للربح.

لو نجح الفريق ده وقدر يوفر البرنامج أكيد هتكون خطوة مهمة جدا جدا في محاصرة مرض الكورونا - حفظنا الله و إياكم منه - اللي تعتبر أكبر عوامل خطورته إنه بينتشر بسبب تجاهل المريض و اعتقاده إن اللي عنده ده مجرد دور برد و هيروح لحاله , مع توفير برنامج زي ده المريض هيقدر يعرف إنه مريض كورونا في أسرع وقت و يتلقى العلاج في بداية العدوى و ده بيزود جدا من فرصة شفاؤه - و الشافي هو الله - كمان هيعزل نفسه في أسرع وقت و بالتالي يقل معدل انتشار المرض.
تطبيق DetectNow لتمييز مريض الكورونا عن طريق صوت سعاله ( الكحة )
جدير بالذكر إن أحد أفراد الفريق مهندس مصري اسمه محمد عمرو 😀
مشاركات ذات صلة
إضافة تعليق..