Site Message

ورشة عمل و تطبيق على الـ HTML5 & CSS3

بعد ما انتهينا من تعلّم الـ HTML5 و الـ CSS3 بنكون محتاجين نعمل ورشة عمل شاملة نطبق فيها اللي اتعلمناه في مشروع فعلي , لاحظ إنك أثناء تعلمك للغات البرمجة و التصميم بصفة عامة بتاخد المعلومات كجزر منعزلة أو خلينا نقول كإن كل معلومة بتمثل كلمة , التطبيق العملي الشامل هو اللي بيساعدك إنك تحول حصيلة المعلومات اللي عندك دي ( الكلمات يعني ) إلى جمل وتراكيب لغوية ذات معنى

أنا كنت متخيل إن فيديوهات الورشة هتكون بحد أقصى ساعة أو ساعة ونصف , ﻹن فعليا فترة تكويد التصميم ده كانت أقل من 45 دقيقة 💪 , لكن اللي حصل هو إنها تجاوزت الـ 6 ساعات .. حاجة كدا زي حرب العبور 😂😂

أنا قسّمت فيديوهات الورشة دي على 4 أجزاء , وده الجزء اﻷول بنراجع فيه بنية صفحة الـ HTML من البداية خالص مع شرح شامل لمنطقة الهيدر و القائمة الجانبية , كمان فيه شرح مفصل لاستخدام مكتبة خطوط Font Awesome

مرفق هنا ملفات العمل كاملة تقدر تحملها بحيث تكون متابع الشرح و التطبيق ومعاك نسخة من الكود 😀